С Рождеством, православные!

[танкист]

Мир вам, православные!
Мир вам, Христовы!
Благодать Божия да ниспошлется вам, окружению вашему.
Здравия и долгая лета, ибо Спаситель родишися и смирением своим, кровию своей омыл грехи наши во искупление наше.
Силы, мудрости и процветания Родине нашей!

(Святителя Тихона, Патриарха Московского и всея Руси)
Господи Боже, Спасителю наш! К Тебе припадаем сокрушен*ным сердцем и исповедуем грехи и беззакония наша, ими же раздражихом Твое благоутробие и затворихом щедроты Твоя. Отступихом бо от Тебе, Владыко, и заповедей Твоих не соблюдохом, ниже сотворихом, яко же заповедал еси нам. Сего ради нестроени*ем поразил еси нас, и дал еси нас на попрание врагом нашим, и ума лихомся паче всех язык, и быхом в притчу и поношение соседом нашим. Боже великий и дивный, каяйся о злобах человеческих, возводяй низверженныя и утверждайя низпадающия! Небесную Твою силу с небесе низпосли, уврачуй язвы душ наших и воздвигни нас от одра болезни, яко наполнишася разслабления чресла наша, яко болим неправдою и рождаем беззаконие. Утоли шатания и раздо*ры в земли нашей, отжени от нас зависти и рвения, убийства и пианства, разжения и соблазны, попали в сердцах наших всяку нечистоту, вражду и злобу, да паки возлюбим друг друга и едино пребудем в Тебе, Господе и Владыце нашем, якоже повелел еси и за* поведал еси нам. Помилуй нас, Господи, помилуй нас, яко исполнихомся уничижения и несмы достойни возвести очеса наша на не*бо. Помяни милости, яже показал еси отцем нашим, преложи гнев Твой на милосердие и даждъ нам помощь от скорби. Молит Тя Твоя Церковь, представляющи Тебе ходатайство другое Твоих: преподобных и богоносных отцев наших Сергия Радонежскаго и Серафима Саровскаго, Петра, Алексия, Ионы, Иова, Филиппа, святителей Московских, священномученика Ермогена, страсто*терпца Царя Николая, страстотерпицы Царицы Александры, Царевича Алексия, великих княжен Ольги, Татианы, Марии, Ана*стасии, и верных слуг их, наипаче святителя Тихона, Патриар*ха Московскаго, исповедника, преподобномученицы великой кня*гини Елисаветы, ...и всех святых в земли нашей просиявших, из*ряднее же Пресвятыя Богородицы и Приснодевы Марии, от лет древних покрывавшия и заступавшия страну нашу. Вразуми всех, иже во власти суть, и возглаголи в них благая о Церкви Тво*ей и о всех людех Твоих. Силою Креста Твоего укрепи воинство на*ше и избави их от всякаго навета вражия. Воздвигни нам мужей силы и разума, и даждь всем нам Духа премудрости и страха Божия, Духа крепости и благочестия.
Господи, к Тебе прибегаем, научи нас творити волю Твою, яко Ты еси Бог наш, яко у Тебе источник живота, во свете Твоем узрим свет. Пробави милость Твою ведущим Тя во веки веков. Аминь.

С праздником вас, православные; С праздником вас, верующие; С праздником вас, не верующие; С праздником!

Икос 6
Воссиял еси от Девы, и неискусомужныя Твоея Матере, Иисусе, яко солнце просвещая и прогоняя лжи тьму: демони бо, Спасе, нетерпяще Твоея крепости, вси вострепеташа, и ад, видев чудо, убояся: мы же благодаряще вопием Ти: Слава Тебе, человек Спасителю. Слава Тебе, бесов Потребителю. Слава Тебе, прелести начальника Твоим Рождеством устрашившему. Слава Тебе, идольскую прелесть упразднившему. Слава Тебе, светом Богопознания вся осиявшему. Слава Тебе, тьму неведения прогнавшему. Слава Тебе, Каменю, воду спасения всем источивый. Слава Тебе, жажду Адамову и Давидову утоливый. Слава Тебе, яко солнцем, Твоим Рождеством вся просветившему. Слава Тебе, лучи благодати вселенней облиставшему. Слава Тебе, землю обетования нам показавшему. Слава Тебе, от всеродныя клятвы нас Избавльшему. Иисусе, Сыне Божий, воплотивыйся нас ради, слава тебе.