Есть такой стих:
Давня українська література
Українська поезія XVI-XVII ст.

Герасим Смотрицький


Зри сія знáменія княжáте слáвнаго,
ѝх же съдръжи́ть дóм єго от вЂка дáвнаго,
И разумЂй, яко не тунє, и не безъ причи́ны,
о чом влáстнЂѝ и ширЂѝ повЂсть ти кто иный,
Но яко достоѝн дЂлатель своє́я заплáты,
не щадя́ще здрáвія никоє́я утрáты,
КрЂпко побЂждáл разли́чных съпостат пóлки
и разгоня́л c короны драпЂжныа вóлки.
И єще мóжет,
аще бог помóжет.


Въоружен воѝн змія попрáв мужествéнно,
копієм сего посрéдЂ проньзе явествéнно,
Яко древняго враждéбника человЂческаго рóда,
понéже злóму з дóбрым не бывáєт згóда.
Боди, в князєх избранныѝ, мьíсльнаго сопостáта,
сего бо побЂждающим вЂчная заплата.
I иным подавáй сіє непобЂдимо оружіє,
острЂйшеє меча обою́дуостра слóво божіє.
Въ время рати
потреба дбати.


Втóрый воѝн хрáбростію пръвому подóбный,
тóкмо оружієм отмЂнен, и то посел грóбный,
Меч бо обнажен в десни́цы имЂа острый обою́ду,
им же крЂпціѝ на враги пріемлють побЂду.
ОтсЂкай, Константине, мрак идолскіа лéсти,
хóщет бо бог всЂм человЂком ся спáсти,
И отгоня́й єретикóв полки умоврéдныя,
пріидóша бо въ мир вóлки нещáдныя,
Иже не свьíше щепи́тся,
сіє скорени́тся.


Въсія́ла звЂзда ясно от востóка,
послЂдуя пръвой, възвЂщéней от пророка,
И приводить от Прьсиды трєх царей съ дары
поклони́тися съ вЂрóю цареви над цары.
Твоя звЂзда нынЂ тому же послЂдує царéви,
хотя всЂх сътвори́ти жителя рáєви,
И убываєт луна вéтхаго завЂта,
сіяєт бо солнце неприступнаго свЂта,
В нем же ходя, не поткнéтся,
но паче спасéтся.


Спасеніє Христово бог съдЂя посредЂ земля,
на крестЂ руцЂ прострЂ всЂ к себЂ пріємля́,
На нéм же рукописáніє грЂх нáших растерзáв,
из ветхаго человЂка нетлЂнно новаго создав.
И ты крестноє знáменіє не тунє носи́ши,
вели́кому Константину им ся подоби́ши.
Он бо на небеси сіє ви́дЂв, побЂдил съпостáты,
тьí же побЂждáй єрети́к и бЂсов три стáты.
Крест бо похвáла царє́м,
бЂсом же незнóсный ярéм.


Вели́коя глубины богослова, кня́же, съимéнный,
да сподобить тя господь бог вЂнець прія́ти нетлє́нный,
Въ здравіи же телеснЂм благообразно долгоденьствовáти,
и въ царствіи небесном съ избранными рáдостно ликоствовáти,
Яко всЂм по чину представил єси божественноє писáніє
истиннаго бога и правды єго въ похвáлу и познáніє,
Да вся́к читáяй благолЂпно благодарить създáтеля
и да не забывáєт достóйна мзды своєя дЂлателя,
Иже благую чáсть избирáєт,
от него ся не отнимáєт.
http://www.litopys.org.ua/
Хотелось бы узнать, насколько сложен данный текст для восприятия и насколько много в нём незнакомых слов.